Otto Baumgartner

Ich weiss ä Alp z Nidwalde hiä
wo bsueche chaisch ai ohni Miä
äs fahrt i Chlewe gnai nach Plan
vo Beggeried ä Luftseilbahn

Scho bi der Fahrt ä andri Sicht
und dobe de äs ländlichs Gsicht
Der Schwalmis und der Ländersee
mit Stadt und Derfer chamme gseh

Vom Murmelplatz bis Brisehuis
ä Alpewält ä Bluemestruiss
Kapälle wene Hirt derzue
wo Chraft eim gid und Seelerueh

Nid z gross nid z luit sälb isches da
bi gsunder Luft mä wandre cha
nu lieber pflägid a deym Ort
ai jung und alt der Wintersport

Ja hetz im Chlewe rächt viu Schnee
de bisch äs Paradeys nu mee